| *** Qara öküz aranda
Çıxar gün qızaranda.
Xodaq murada çatar
Torpaqdan bir alanda. *** Qaşqa gəlim boz, ala
Tarlaya saldım yola.
Tay öküzlə iş aşmaz,
Öküz gərək cüt ola. *** Dağ döşündə yatana,
Gün gedər ay batana.
Qara öküz qarğıyar
Cütün macın tutana. *** Gün düşdü qar üstünə
Bağçada bar üstünə.
Tənbəl yatan öküzün
Quşlar qonar üstünə. *** Qara kəl gedər işə
Qorxum var bağrı bişə.
Nola bir bulud gələ
Yağış yağa, nəm düşə. *** İrandakı boz öküz
Qoparıbdı toz öküz.
Alıb yerin canını
Çıxsın yalan göz, öküz. *** Öküz, öküz, xan öküz.
Boynu qızıl qan öküz.
Çək çayırı çəməndən
Sənə can qurban öküz. *** Öküzlər qoşa getdi
Güc vurdu daşa getdi,
Cütün macı*qırıldı,
Zəhmətim boşa getdi. *** Qızıl öküzüm yeri,
Qoyma şum qala geri.
İti tərpən, maralım,
Düşmənlər baxır bəri. *** Gözlə xoruz banını,
Kəllər işdə sanını.
Cütə getməyən öküz
Yerişindən tanını. *** Öküz qıyar canını,
Bilməz qamçı sayını.
Qayış çəkən qaşqa kəl
İş üstündə tanını. *** Qara kəl, ilim barı,
De dərdin bilim barı,
Məni mağmın eyləmə
Açılsın dilim barı. *** Kotanın xodaqları,
Partlayıb dodaqları.
Qarğayın kotan sınsın
Dincəlsin xodaqları. *** Boynunu mən yağlaram,
Yaman gözü dağlaram,
Tez çək, maral öküzüm,
Geri qalsan ağlaram. *** Öküzüm birdi mənim,
Taleyim kürdü mənim.
İki oldu öküzüm
Qaraçuxam durdu mənim. *** Başına mən dolanım,
Mən dönüm, mən dolanım.
Ölmə, olmə yazığam
Kölgəndə mən dolanım. *** Öküz qayıtdı qaşdan,
Ay allah, saxla daşdan,
Bədnəzər qabaqdadı
Yolunu sal bu başdan. *** Dağların enişi var,
Diki var, enişi var.
Cütə gedən öküzün
Özünün yerişi var. *** Axşamlar, ay axşamlar,
Axşamlar yanar şamlar,
Hərə evinə gedər
Xodaq harda axşamlar. *** Qara kəl asta gedər,
Dolanar, dosta gedər,
Ay qaranlıq gecədə
Hastabahasta gedər. *** Öküzlərim naz eylər,
Quyruq bular, toz eylər.
Hər axşam gün batanda
Kövşəndə pərvaz eylər. *** İşlək malı öyəllər,
Tənbəlini söyəllər.
Öküz cütə getməsə,
Qaşqasına döyəllər. *** Qara kəlim san gedir,
Öküzlərdən yan gedir.
Gecə-gündüz işləyir
Dırnağından qan gedir. *** Qara kotan ağırdır,
Öküzlərim yağırdır.
Qarmax tellim çəkməyir
Xınalım da sağırdır. *** Qurd sürüdən pay salır,
Çoban dağa hay salır,
Öküz ax-vay deməkdən,
Boyunduruq vay salır. *** Çəkən öküz mərd olur,
Çəkməyənə dərd olur.
Tənbəl öküz yiyəsi
Xəcil olur pərt olur. *** Hola dedim düşdü qac,
Göydə oynadı qırmanc.
Öküzlər ota getdi
Qara kəlim qaldı ac.
*Xışın açdığı şırım. | 
