***

İlanı Seyidəhməd əli ilə tutur.

***

İki qoçun başı bir qazanda qaynamaz.

***

İki canbaz bir ipdə oynamaz.

***

İgidin vurmamazlığına bax, daşın böyüyündən yapışar.

***

İgidlik döyüşdə məlum olar.

***

İgidlik ondur: biri zordur, doqquzu fənd.

***

İgid oğul düşmənə əyilməz.

***

İgid odur atdan düşə atlana,
İgid odur hər yaraya qatlana.

***

İgid ölər adı qalar: müxənnətin nəyi qalar?

***

İgidin igiddən nəyi artıqdır? - Ehtiyatı.

***

İgid arxasında igid gizlənər.

***

İgid ağzını açmaz, əlini açar.

***

İgid qovqasız olmaz.

***

İgid igidə xor baxmaz.

***

İgid ilqarından, dəvə ovsarından.

***

İgidin başı qalda gərək.

***

İgidin əli işdə gərək.

***

İgidin yaraşığı sınaqdır.

***

İgidin süfrəsi açıq olar.

***

İgidin ürəyi haça olar.

***

İlqarı olmayanın imanı da olmaz.

***

İnsan ölər, söz qalar.

***

İnsan olmayan insan qədrini nə bilər?!

***

İpək bir, sağan iki.

***

İnsan istəsə dağı dağ üstə qoyar.

***

İstəyirsən bol çörək-al əlinə bel, kürək...

***

İstədi qaşın qayıra, vurdu gözün çıxartdı.

***

İstədi çıxa dağ başına, daş düşdü sağ başına.

***

İstəyənin bir üzü qara, verməyənin iki üzü.

***

İstək gözdə olar, məhəbbət ürəkdə.

***

İstərəm dosta varam, əlim boş, üzüm qara.

***

İt dəmirçi dükanından nə aparar?

***

İt də getdi, ip də getdi.

***

İtdən çox çarıq aparan olmaz, yenə ayağı yalındır.

***

İtin duası müstəcəb olsaydı, göydən yerə ət yağardı.

***

İçdin üzüm suyunu,
Tökdün üzün suyunu.

***

İş saqqala qalsa, keçiyə də axund deyərlər.

***

İşi başlayan yarıda qoymaz.

***

İşlək at arpasını artırar.

***

İşləməyən dişləməz.

***

İşləmək dərdindən yeməyə həsrət canım.

***

İşləməyən dəmiri pas tutar.

***

İş insanı safa çıxardar.

***

İş ustasından qorxar.

***

İşini möhkəm tut, qonşunu oğru tutma.

***

İş insanın cövhəridir.