Ey oğul, olma çox da sadəzəmir
Ta sənə mərdüm eyləyə təzvir.¹
Xəlq olub məkrü hiylədə kamil,
Sadəlövh olma sən də, ey qafil.
Zirək ol, yaxşıya yaman olma,
Xəlqdən çox da bədgüman olma.
Hər sözü yoxla, eyləmə bavər,
Dari-dünyadə azdı doğru xəbər.
Çoxdu dünyadə mərdi-hiyləşüar,
Zahiri sadədil, özü əyyar.
Məsti-layəqil² olma, huşyar ol,
Xəlqin övzainə³ xəbərdər ol....

¹Təzvir – hiylə, kələk.
²Layəqil – ağılsız.
³Övza – vəziyyət.