***

Rahatlıq istəyən adam kar, kor gərək.

***

Rast gəlməyən işə peşiman olma.

***

Rahat durmayan, narahat olar.

***

Rahat oturana nə vali gələr, nə hakim.

***

Rəhmət düzənə, lənət pozana!

***

Rəmmaldır, peyğəmbərlik iddiası eləyir.

***

Rəndə görməyib.

***

Rəngimə bax, əhvalımı xəbər al!

***

Rəncbərin ümidi əkinədir.

***

Rişxənd etmə qonşuna gələr bir gün başına.

***

Rişxəndlik ağlın zəifliyindən doğar.

***

Ruzi yemək olsun, ocaqda olsun.

***

Ruzi həllacbazarda gəzir.

***

Ruzimiz düşüb kor Məliyin əlinə.

***

Ruzi ki, dedin, qazıya məlum.

***

Ruzinin gələn vaxtı köpəyi yuxu tutar.

***

Rüşvət cəhənnəmi işıqlandırır.

***

Rüşvət cəhənnəmin açarıdır.

***

Rüşvət haramdır.

***

Rüşvət qapıdan girərsə, iman bacadan çıxar.

***

Rüşvətxorun aqibəti yoxdur.