Xəstəmiz Əbdülhəmid¹ artıq sağaldı, səmridi,
Şimdiki halilə məmnuniyyət izhar eyləyir;
Şey yeyir, çalğı çalır, gahi yazır, gahi oxur,
Vəqtini bəzən də dülgərlikdə imrar eyləyir.

Əbdülhəmid deyir ki:

Sanma kəsmək, doğramaq, yonmaq misilli işlərin
Olmuşam məşğuli ol gündən ki, nəccar olmuşam;
Lafövəllah, hökmranlıq etdiyim günlərdə də
Kəsmişəm, kəsdirmişəm, sultani-cəbbar olmuşam.

^*“Tərcümani-həqiqət” – İstambulda nəşr olunan gündəlik türk qəzeti idi.
¹Türkiyə sultanı II Əbdülhəmid nəzərdə tutulur.