|
Şeirlər -
Nizami Gəncəvi. Qazəllər.
|
Hüsnün gözəl ayətləri, ey sevgili canan!
Olmuş bütün aləm sənin şə’ninə şayan.
Gəl eylə inayət, mənə ver busə ləbindən,
Çünki gözəlim busəsidir aşiqə ehsan.
Sordum ki: “könül hardadır”, aldım bu cavabı:
“Heç sorma, tapılmaz onu axtarsa da insan”.
Rəhm eylə deyib, sel kimi göz yaşımı tökdüm
Kim, qanım ilə əl yuma, ey afəti-dövran!
Insafın əgər varsa, açıq de, bu Nizami
Sənlə necə rəftar eləsin, ey məhi-taban?
Gəl söylə cavabın nə olar sorğu zamanı,
Əhvalımı səndən soruşarsa Qızıl Arslan? |
|
