Sözləri Cahangir Məmmədovun,
Musiqisi Ağabacı Rzayevanındır.

Bəzəkli vaqonlardan
Qatar düzəltmişik biz.
Sərnişinlər, tez olun,
Yoxsa gecikərsiniz.

Qatar gedir: du, du, du, du...
Dostluq qatarıdır bu.

Bakıdan Moskvaya
Biz gedirik: taq-taq-taq...
Qatar bir azdan sonra
Geriyə qayıdacaq.

Qatar gedir: du, du, du, du...
Dostluq qatarıdır bu.

Əgər gündə on dəfə
Gedib-gəlsə bu qatar,
Sevimli dostlarımız
Görün nə qədər artar.

Qatar gedir: du, du, du, du...
Dostluq qatarıdır bu.