Görkəmli rus yazıçısı, satiriki və nağıl ustadı kimi tanınan, rus ədəbiyyatında tənqidi realizmi daha da inkişaf etdirən M. Y. Saltıkov-Şedrinin zəngin yaradıcılıq fəaliyyətində hekayələri, oçerkləri və nağılları xüsusi bir yer tutur. Yazıçının əsərlərində təhkiniçi mütləqiyyət üsulu-idarəsi, bürokrat hökümət məmurları və onların havadarları kəskin ifşa edilir, o vaxtkı rus cəmiyyətinin dözülməz sosial ziddiyyətləri, dvoryanlığın mənəvi iflası qabarıq şəkildə işıqlandırılır.